Un librettu "éco-gestes" pà i ziteddi


In lu quadru di un travagliu cù l’Accademia di Corsica, a Cullettività Territuriale di Corsica (AAUC), EDF è l’Ademe, ani prisintatu, u 5 di maghju scorsu, l’operazioni « Librettu Eco-gestes ».
Stu librettu di ghjochi, insegna i gesti boni pà risparmià l’energia. Serà distribuitu à più di 25000 sculari di u primariu. I maestri puderani aduprà st’arnesu pedagogicu pà travaglià nant’à u tema di l’energia.

L’operazioni hè stata prisintata da Laetitia Cucchi, Sicritaria Generali di l’AAUC, Béatrice Simoni, Direttrici di a cumunicazioni di EDF, Pierre Franceschi, Delegatu accademicu pà a furmazioni iniziali è cuntinua, è Véronique Reix, Direttrici di l’Ademe.

L'11 di ghjugnu di u 2014